劉嘉玲昨午出席《I.T+0 IN MOTION》活動，其首個設計的手錶系列將放在品牌店內獨家發售，身為創作總監的她，為新系列自畫肖像，並刻在錶面。問到用了多少時間籌備？她說：「隻錶好靚，好鍾意金色，籌備咗大半年，之前有同另一個品牌訂造自己手錶，覺得幾靚，於是將設計靈感再研發呢個系列。（銷量有幾多？）聽品牌講銷量好好，訂造咗500隻。」

身為品牌創作總監的嘉玲表示花了大半年籌備。

劉嘉玲為新系列自畫肖像，並刻在錶面。

嘉玲與友人到銅鑼灣飲茶，兩名外籍保鏢隨行。

她表示已預留一隻錶送給老公梁朝偉：「佢好鍾意，（叫佢日日戴？）瞓覺都戴，因為夠輕。」問到是否已註冊商標？她說：「註冊咗，品牌名係我個名嘅速寫，亦代表一路郁緊，你哋見我咁多年都冇停過，勞碌工作，有特別意思。（同其他品牌聯乘？）冇限定，如果有鍾意嘅品牌都想合作。」

提到大冧市，嘉玲說：「股票唔係咁實在，買隻錶更實在，睇吓都開心！股票係數目字，上上落落影響心情，加上依家世界唔安全。（有損手？）已經冇買，一個慘痛教訓！（咁買磚頭？）都要勤力啲賺錢！」

談到好友王菲傳再懷孕，嘉玲說：「好耐之前有人問！我諗應該唔會啩！又再嚟？（同佢溝通過？）好耐之前問過話唔會，但唔係同呢個（謝霆鋒）喎！但據我了解應該唔會，依家係歎世界嘅時候，但有啲人可能鍾意一路生！」當日出席活動後，嘉玲與友人前往銅鑼灣飲茶，更有兩名外籍保鏢隨行。