周筆暢是繼那英後第二位在紅館舉行個唱的內地女歌手，並罕有以Deep V示人，卻令男化妝師睇到面紅！她更邀得天后陳慧琳（Kelly）擔任嘉賓，惟Kelly扭腰勁歌熱舞時，卻失手走光露打底褲兼現腩！

Kelly（左）與周筆暢合唱時搭晒膊頭，好Friend咁喎！

身穿Deep V裙的周筆暢，性感之餘不失型格。

「拖詞被綁」的Wyman跪地謝罪，周筆暢則一副得戚樣。

文：音樂組　攝：鄭家俊

內地女歌手周筆暢（Bibi）一連兩場的《BOOM!周筆暢巡迴演唱會2015香港站》前晚於紅館開鑼，其父母亦專程來港支持。Bibi身穿黑色性感Deep V長裙登場，並慢慢升到半空及唱出幾首快歌掀序幕，其後她用廣東話向歌迷問好，並透露讀書時常聽廣東歌，故今次特設串燒粵語歌環節獻港迷，令全場High爆！

黃偉文被綁上台

換上印第安裝的Bibi與天后級嘉賓Kelly合唱《星夢情真》，穿上超短熱褲的Kelly大晒招牌長腿，兩人大爆首次合作是十年前一同拍電影，Kelly更大讚Bibi台型十足：「10年前啱啱出道好似個小妹妹，10年後依家係個獨當一面嘅歌手！」其後Kelly獨唱《大日子》時High爆扭腰，卻因熱褲太短而露出打底褲兼凸出小肚腩。

Bibi又表示認識了一位愛拖詞的填詞人，新歌至今仍未有最後一句，黃偉文（Wyman）隨即坐在書枱前並升起，手腳鎖上鐵鏈，Bibi則在旁獻唱新廣東歌《愚公移山》，唱畢後Wyman合十跪地交詞給Bibi，並說：「好多人唔知填詞好私人，同大便一樣，今次為你破例！」

滿意表現封後「露」

Bibi受訪時對自己表現感滿意，問到如何答謝兩位嘉賓時，她說：「以後有咩需要隨時開聲！」談到演唱會形象比過往女性化兼穿低胸裙，Bibi笑說：「男化妝師幫我個身搽粉時塊面都紅晒，佢未見過我咁，但露勁多就唔OK！」