林峯前晚勁歌熱舞，有報道指其女友吳千語向他催婚，阿峯笑說：「冇，都『吹』過好多次，唔係o個個『催』！係傳媒朋友太過關注，依家都係工作為上，工作安排到下年喇！」問到可有與千語商討婚事？他說：「冇呀！一句講晒，以後咪再問，我只希望小朋友去到10歲時，我仲有力同佢打籃球同踢波！」提到堂妹林夏薇早前低調結婚，將來可會效法她玩低調？他說：「呢D係要同屋企分享，不過如果傳媒朋友問我都會答。」

林峯以勁歌熱舞回應歌迷的熱情，繼續Chok出魅力！

提到工作安排，他透露明年4月底會在紅館開騷，本周則要到韓國拍MV：「睇新聞o個邊好似幾緊張，希望冇事！」