謝霆鋒前晚出席英皇娛樂15周年澳門演唱會，身為大師兄的他打頭陣演唱，主持阮兆祥及農夫問到15年內最難忘的事是甚麼？霆鋒說：「其實我每次上台都驚，除了驚表演差，15年前每次上台都會聽到噓聲！當時唱歌係一個字都聽唔到，全部都係噓聲，好彩英皇冇唔要我，15年後的今日，好彩可以收到掌聲！」

打頭陣的霆鋒最怕觀眾喝倒采，驚足15年！

婷婷睇完電影嗌怕怕，被Eric取笑想像力過於豐富！

另一邊廂，霆鋒的妹妹謝婷婷前晚偕郭偉亮（Eric）及曾詠欣到旺角為電影《有客到》優先場謝票，飾演先人化妝師的她自爆早前只看了半部作品已驚足數天，被媽咪狄波拉取笑又要驚又要睇：「我真係非常細膽，唔只鬼，追殺嗰啲睇完都唔係幾舒服！」飾演變態豬肉佬的Eric則取笑其想像力豐富。提到謝霆鋒拒回應王菲懷孕的傳聞，她說：「你哋傳埋晒啲嘢，人哋都答唔到嘅！（係就係，唔係就唔係啦！）咁你哋問王菲啦！」提到爸爸謝賢最近亦拒絕受訪，她說：「你哋問啲問題都答唔到嘅，你知佢啦！（佢仲嬲緊曾江？）冇問佢喎！」不過，她透露發生摑曾江事件後有見過爸爸，認為他的心情沒特別。