「翻版黃智雯」姚紫茵因身材標青,獲得不少工作機會,鍾情演戲的她更進修演技,希望在影壇大紅大紫,然而至今戲路只偏向性感,令她一度怕被定型影響發展,直至看到陳靜成功轉型才重拾信心,決心先以性感打響知名度。

Bonnie喜愛演戲,不介意先以性感打響知名度。

Bonnie的C Cup上圍夠晒火辣,但她卻對面形最有信心。

曾怕被定型的Bonnie決心挑戰不同角色。

文:音樂組 攝:吳文聰

有「翻版黃智雯」之稱的姚紫茵(Bonnie)鍾情演戲,自知實力不夠的她更報讀演技課程,開始接下不少影視工作,但因「胸器」太強而令角色限制於性感方面,問到會否怕被定型?她說:「都怕!初頭都有諗過應唔應該咁拍,但後尾都係想嘗試咗先,同埋我都想拍啲之前未做過嘅嘢,好似警察咁。」幸好看到陳靜轉型並獲得不俗成績,才讓她放下心來,她說:「我好欣賞佢成功轉型後仲拎埋獎,都會以佢做目標。」

期望挑戰床戲

雖然參與的電影戲份未算多,但她認為只要不露點也能嘗試,更直言可以挑戰床戲!至於早前在新戲中被Eric Kwok在街市姦屍,她表示拍攝時不覺尷尬,但被場地氣氛嚇怕:「因為場戲喺豬肉枱拍,好怕勾豬肉啲鈎會跌落嚟,加上套戲係鬼片,街市冇人仲熄晒燈好恐怖。」

曾收猥瑣留言

問到會否因身材感到自豪?Bonnie大呻大腿及手臂很難瘦,反而對面形較有自信,不過她表示因行性感而收過猥瑣的留言:「以前有私影攝影師問我可唔可以加錢做特別服務,我即刻Block咗佢。」她亦多次被外界批評賣弄性感,但她明白並非個個都要奉承她,所以不會太在意其他人的看法。