歌手文恩澄（Rannes）年幼時已經是動漫迷，為收藏近千本漫畫而訂造四個大書架，視漫畫為命根的Rannes說：「已經捐咗好多同送咗好多畀朋友，剩低呢啲係珍藏，唔捨得唔要。」她表示受動漫影響愛上Figure，曾試過花上數千元購買一套四隻Figure：「畀錢時都幾肉赤，但返到屋企拆盒時，嗰種開心唔係用錢可以買到，之後擺喺書櫃當眼處，日睇夜睇就會覺得抵晒。」曾搬到美國生活的她笑言衫褲可以唔放入篋，但Figure必須跟身：「由香港搬去美國，再由美國搬返香港，之後係香港搬過五次屋，全部Figure都跟住搬。（最耐嗰隻係幾時買？）有幾隻陪咗我廿年。」她表示每次搬屋最擔心是Figure的手腳：「搬時好易整甩佢哋啲手腳同配件，所以每次都要逐隻包，一件件咁放入箱。」

Rannes專誠訂造四個大書架裝載漫畫及Figure。

Rannes不惜花費金錢購買心愛的Figure。