天氣炎熱，不少女士擔心未能成功瘦身，而將身上的贅肉「收收埋埋」。影壇新人蘇麗珊（Cecilia）卻沒有這些煩惱，因全靠持之以恒做運動：「因為工作關係，要保持最佳狀態。除咗會少食多餐兼食得清淡外，每星期亦抽三日出嚟跑步半小時以上，咁先有效消脂！如果有時間我仲會約埋朋友一齊做瑜伽，咁就可以雙管齊下瘦身！」她更指做運動時不斷流汗，可以釋放工作的壓力。

Cecilia每日以平板支撐鍛煉腹肌。

跑步流汗，既可Keep Fit又可釋放壓力。

除了跑步，Cecilia還會每天在家做平板支撐（Plank），鍛煉肌肉：「Plank係好易入門嘅運動嚟！佢不限場地，只要有塊空地喺度就可以做到。只要姿勢正確，堅持每日都做一分鐘，就可以練到有腹肌，到時着貼身衫就唔怕突個肚仔啦！」