張致恒（Steven）與模特兒女友莊端兒（Xenia）成立的服裝品牌Zeal昨日於觀塘某市集擺檔，擁有32D豐滿上圍的Xenia以低胸衫大晒「事業線」，為迎接下月的中秋節，Steven更孖女友通宵整月餅送給顧客。提到現場擺放了不少兩人親手做的皮包，Xenia說：「親自揀皮，因為個Logo要揼上去，搞到手都損晒，買皮時唔係酷熱就落大雨，真係有血有汗。」她透露上次擺市集時，因員工與Steven大頭蝦，導致遺失了七百多元：「佢哋將啲錢就咁放入櫃，冇擺落錢袋，所以今次錢銀由我看管。」

Xenia事事親力親為，更大騷事業線做「生招牌」。

Steven和Xenia出動埋自家製月餅，好有心思！