憑劇集《武則天》人氣急升的李治廷，昨日到電台受訪時坦言拍真人騷節目辛苦過拍戲，他自爆為免被拍到「動L」生理反應而要趴住(目訓)，更試過洗澡忘了拿衣服，搞到要狼狽趴地爬行！

Aarif透過真人騷贏得掌聲，但背後辛酸真係有苦自己知。

李治廷（Aarif）昨日到電台接受雷頌德訪問，他憑劇集《武則天》打響知名度，問到日後是否會繼續在內地發展？他說：「未有計劃，但之後會拍動作電影，我角色係打到飛起。」早前他獲邀與容祖兒等藝人演出內地真人騷節目《報告！教練》，據知節目裏有攝影機二十四小時拍攝，對此他說：「辛苦過拍戲！」

爬出廁所狼狽攞衫

不過Aarif表示可透過真人騷看到最赤裸的自己，並認為演員要好好自我認識，他說：「我以為自己好捱得，但仲未係。」問到若每天早上男性的生理反應被拍到怎麼辦？他即自爆：「趴住(目訓)囉！不過我試過有次去廁所沖涼唔記得拎衫，但一出廁所已經係部機影住，惟有用兩條毛巾包住，o係地下爬去拎衫，再爬番入廁所換。」

雷頌德驚陋習曝光

談到拍真人騷甚為辛苦，那麼酬勞可會比拍電影可觀？他則認為有時工作並非為賺錢，反而是為成長及學習。問到雷頌德會否效法參與真人騷節目？他笑說：「房都要影住好怪，我好多壞習慣！」他亦大讚現今很少新生代能如Aarif般獲得全面成功。

文：音樂組