甩拖Dry爆的馬國明日前被《好報》拍得與契妹唐詩詠等開餐，天然呆的他更獲詩詠剝蝦殼兼遞紙巾服侍。馬國明昨日以短訊大讚契妹：「佢不嬲都賢淑！」而問到獲契哥及網民盛讚的詩詠，她在電話訪問中說：「多謝，都係女仔會做嘅嘢。因為我屋企有哥哥，自己做細妹，我知男仔好怕剝嘢食，咁自己剝開咪剝埋畀佢。（Dry爆馬國明全程發呆？）係佢特色，佢OK嘅！我唔擔心佢，信佢會有女仔鍾意。」

唐詩詠早前被拍得為馬國明剝蝦殼。

馬國明、唐詩詠

問到曾否同樣「服侍」緋聞男友洪永城？詩詠笑說：「我對朋友好照顧，做我朋友幾好！（做你男友咪仲好？）係！（唔怕人妒忌洪永城？）唔使妒忌，我一視同仁。」