近年生意愈做愈大的謝霆鋒，最近開設全新網店，連速遞都做埋一份，昨日更親自送貨到辦公室，引起公司上下哄動之餘，所有女職員立即進入「鋒」狂狀態，放下手頭工作紛紛拿起手機「招呼」霆鋒，非常誇張！

霆鋒親自到辦公室派餅，睇吓在場嘅女職員幾開心！

霆鋒與一眾職員自拍留影，場面壯觀！

霆鋒與陳偉霆等拍攝《十二道鋒味》，要向武術大師挑機！

由謝霆鋒主理的「鋒味曲奇」年初推出後大受歡迎，早前更將生意擴展到網上開設《鋒味店》接受網購。因應中秋節，最近又推出應節產品「鋒味月曲奇」，認真諗頭多多！

追入電梯影相

昨日霆鋒更化身送貨專員，將曲奇送到本地兩間公司，更拍下短片，將整個送貨過程放到《十二道鋒味》的Facebook專頁上分享。霆鋒以一身速遞員打扮現身辦公室，職員見到捧着曲奇的他起初甚為愕然，其後霆鋒親自解釋：「我同拍檔楊鼎立玩遊戲輸賭，輸咗嘅要做『順鋒速遞』送曲奇去兩間公司。」明顯霆鋒屬輸家。突襲令辦公室內所有女性進入瘋狂狀態，全皆放下手頭上工作，拿起手機把他重重包圍，面對排山倒海的合照要求，霆鋒都欣然答應，最終順利將二十盒月餅曲奇派完，準備離開時，所有職員都捨不得他，更有人追入電梯繼續拍照！

派完餅的霆鋒換過一身恤衫西褲到尖沙咀出席代言手錶品牌活動，但以趕時間為由不接受訪問，期間司儀區永權問到可會考慮送手錶給剛過生日的爸爸謝賢？霆鋒說：「冇諗過喎！不過係幾好嘅提議。」提到謝賢怒摑曾江，身手媲美海軍陸戰隊，霆鋒說：「唔可以咁比。」

挑機武林高手

而正在熱播的節目《十二道鋒味》，在第二季的第四集中，由霆鋒帶領的「鋒味家族」為了煮一味咕嚕肉，眾人要清理豬欄及到武館挑戰武術大師，以拿得豬肉和醬汁秘方，過程刺激！

文：音樂組

攝：李柏儒