文詠珊昨日因胸口痛到診所覆診，逗留約45分鐘後離開，過馬路準備上車時，其七人車未停定就開門，即被警員截停，抄低保母車司機個人資料兼發出口頭警告，而文詠珊則狼狽地上車！

JM和拿着其醫療報告的助手到診所覆診。

JM過馬路時左望右望，睇吓保母車到未。

被警察口頭警告，JM尷尬地上車閃。

JM見記者守候感愕然，與助手上車後一直低頭。

JM表示食藥後胸口痛的情況已好多了。

近日忙於拍電影的文詠珊（Janice Man、JM），早前在微博表示胸口痛到瞓唔到，最終要睇醫生兼照X光，幸好報告顯示沒有傷到肋骨，只需定時食消炎藥。昨日下午4時許，穿上白色喱士上衣及貼身長褲的JM，與男助手現身中環一幢醫務所林立的商廈，助手拿着一份醫療報告，並到十一樓一間內科醫生診所覆診。

「翳住唔舒服」

逗留約45分鐘，明顯冇厘神氣的JM睇完醫生與助手離開，問到為何睇醫生？她說：「個心口翳住翳住，唔係好舒服。」之後過馬路準備上保母車，而司機未停車就開定車門，碰巧有警察正在驅趕停在路邊的車輛，JM上車前一刻，警員截停保母車，並着司機將車駛到一旁，抄低其個人資料後，作出口頭警告。此時，JM則尷尬地在數名警員面前登上保母車離開。

「依家瞓到覺」

事後記者致電JM慰問，她說：「我之前拍戲冇時間，今日放假去攞報告，報告出嚟話我冇事，之前食消炎藥，依家好番好多，瞓到覺喇！」

提到司機被抄牌？她說：「今次只係警告冇抄牌，其實都覺得唔好意思，咁多人望住唔係咁好。不過當時見到咁多記者都好愕然，有啲狼狽咁呀！」

文、攝：追蹤組