盧頌之（DaDa Lo）上月25日凌晨疑因醉駕發生交通意外，同車的DJ陳達仁被撞傷手臂，DaDa昨日接受本報電話訪問，被問及事件進展時說：「進入司法程序中，（車主有冇追究？）唔可以透露咁多！（賠償點計？告乜嘢罪？）所有嘢交律師處理，唔方便講。（最壞情況係點？）唔好意思！」但她表示感到後悔：「今次意外上咗一課，以後做所有事都會理智啲，唔會咁任性，唔會重複犯錯！」