周柏豪昨日以嘉賓身份出席師妹陳瀅的新書簽名會，還即席獻上「棉花」祝賀，寄語她日後可像棉花般純潔，陳瀅卻搞笑說：「我以為祝我似Ｍ巾咁愈嚟愈紅！」柏豪即解釋希望師妹擁有棉花不會枯萎的特徵，被指禮物似鑽石一樣永恒，但他卻謙稱暫未有足夠經濟能力買鑽石作禮物：「依家未送到，我希望有本事賺多啲錢，送鑽石畀身邊嘅同事。」問到會否學師妹推出寫真集？他坦言比較有興趣充當攝影師：「自己影得多，反而想影吓人哋，有興趣影人多啲！自己冇諗過出，加上冇人撩我出。（幫陳瀅第二輯操刀？）可以！（全裸？）內容遲啲先算。」又笑稱可從陳瀅的照片中，找到自己一向影相走的暗黑風格。

周柏豪笑言未賺夠錢，只能以棉花代替鑽石，物輕情意重。

周柏豪送上愛的抱抱，賀師妹陳瀅出寫真。