出局港姐「牛雜妹」李美琪（Monnie）昨日在網上自爆因腸胃炎入醫院兼吊針，Monnie坦言家人曾懷疑她食物中毒，「病假中」的她承諾不會再亂食嘢，要做個健康小寶寶。文：專案組

已返家休息的Monnie仍要食藥。

李爸爸買了粥及麵包給Monnie醫肚。

出局港姐「牛雜妹」李美琪殺入娛樂圈，頻頻出席活動，昨日她在Facebook自爆因病入醫院，上載一張手貼棉花膠布的照片，並留言：「昨（前）晚是我人生一個很恐怖的經歷，第一次被送進醫院，第一次要打吊針。謝謝媽媽和哥哥下班那麼累還一直陪在我身邊，謝謝姐姐照顧我，還有爸爸一早買了3碗粥和3袋麵包放在我桌上。大概我把他們都嚇壞了，我答應你們我不會再不聽話亂吃東西了，我要做個健康寶寶。」

兩日前不適

昨日Monnie接受電話訪問時表示，兩日前已感到身體不適，卻未有休息，故變成腸胃炎：「兩日前同朋友去食韓燒，食得太飽都已經唔舒服，之後尋日又冇休息，同朋友亂食嘢，又食生冷嘢又食雪糕，結果個胃唔舒服，要即刻返屋企。」

嘔出黑色嘢

Monnie返家後家人十分擔心，一度懷疑她食物中毒：「因為我喺廳嘔咗啲黑色嘢出嚟，佢哋即刻送我去醫院，醫生話我腸胃炎同少少發燒，要打吊針。（唔使留院？）依家已經返咗屋企好好休息。」Monnie續說目前要戒口，又笑言消瘦了很多。