藝人洪永城（Tony）及單立文前日在葵涌拍攝無綫劇集《實習天使》的炒車及動粗戲份。洪永城事後受訪時自認駕駛技術水皮，過往曾輕微撞車。問到若接載緋聞女友唐詩詠會否更小心駕駛？Tony即甜蜜自爆多數由對方當柴可夫：「多數係佢揸車，佢坐唔慣乘客位就會暈車浪。」而單立文笑說：「平時同老婆（胡蓓蔚）打得多，講笑！係因為畀老婆打得多。（有打交經驗？）喺酒吧時友人被調戲，講唔掂數就出手。（唔報警？）好小事！」

劇情講述洪永城（左）搶去單立文的手機。