文詠珊難忘希臘空中晚餐

文詠珊（Janice Man）早前放長假到希臘旅行十日，她說：「我第一次去希臘，每一日最希望黃昏，坐喺度欣賞日落，好靚。」她透露在雅典的一頓晚餐最難忘：「只有二十幾人嘅流動餐廳，感覺好似坐過山車，以前有畏高，但因為拍戲成日要吊威吔，練到依家唔驚，不過當慢慢升上去都係有啲驚，但停低咗睇到成個雅典嘅夜景，實在太迷人。（同男友一齊？）唔係，係朋友。」回港後Janice又繼續忙拍戲，早前記者拍到她與一位律師友人在文華酒店飲下午茶，原來她將在戲中飾演大律師，故特別向友人取經。