陶枳樽（Crz）昨日以短裙晒腿亮相尖沙咀慈善活動，聲沙的她自爆日前在佛山拍攝微電影的一場落水戲：「戲中我係奸角，自作孽跌落水，有人救我，但佢事實上唔識游水，一Cut機就我救番佢！」提到胡杏兒開設婚紗店，曾與其男友Phil傳緋聞的她笑言有聽聞杏兒搞生意：「知佢搞Fashion嘢。（結婚有冇請你飲？）冇！因為真係唔太熟，同Phil係朋友嘅朋友。」問到日後結婚會否「搭路」向杏兒拿折扣買婚紗？自認單身的她笑說：「有呢一日嘅話可以問吓攞折扣！」問到有否新戀情，她笑言不敢約異性去街：「我唔敢約，男仔都唔敢畀我約！有次約男藝人去做Gym，佢話不如遲啲先。（嚇走晒追求者？）我工作都忙！」

Crz笑言若他日結婚，會向杏兒的婚紗店攞折扣。