與鄧詠雪（Suetzi）同屬組合HunterZ的蕊蕊，昨日接受本報記者電話訪問時稱未收到消息：「點解會咁唔小心？自己都應該要有啲危機意識，不過唔發生都發生咗，我遲啲會打畀佢，睇吓有乜嘢可以幫手。」提到有自稱太陽娛樂文化高層找Suetzi過檔，蕊蕊說：「平時就算有中介公司搵我做嘢，我都會叫佢先留低電話，之後畀公司處理。（但係話搵Suetzi過檔！）咁我會問吓身邊朋友先，睇吓識唔識呢個人先決定下一步點做，如果覺得有可疑，我會直接唔理！」

蕊蕊（右二）與鄧詠雪（左）等合組HunterZ，後來成員何麗娟（右）退出組合。