2015年對「女神」吳若希（Jinny）來說可算是最黑的一年，自母親發生意外後，外婆及外公先後病逝，她本人又是非纏身，6月證實喉嚨生繭，病情至今仍未見好轉，故Jinny決定於下月開始休假兩個月，連原本計劃於今年推出的新專輯都要押後到明年，她笑言本想休假半年，但擔心冇飯食，故縮短假期。

Jinny放大假休息，新碟押後推出。

蘇永康（左）大讚周覓高大靚仔。

許廷鏗與汪東城落力表演，觀眾當然開心啦！

文：音樂組

吳若希、蘇永康、許廷鏗、台星汪東城、韓國組合Super Junior M成員周覓及「好聲音」李琦前晚出席《新城i Do夏日最紅音樂會》，各歌手輪流上台落力獻唱。首先由蘇永康打頭陣唱出三首歌，他指所有同場歌手年紀都很輕，自嘲老餅。當他跟周覓合唱時，還大讚對方高大靚仔。蘇永康接受訪問時，笑言周覓1986年出世，而他則於1985年參加新秀：「我曳啲都真係生得佢出！」

蘇永康考慮造人

問到可有生B計劃，他表示控制權在太太手上：「有人同我講，話我老婆咁快就爬到咁高職位，我好Proud（自豪）。（太太點諗？）佢考慮緊，不過我都尊重佢。」談到工作，他透露最近為台灣節目《超級星光大道》擔任四集評判：「唔需要聽到冇必要嘅飆高音，唔想呢樣成為風氣。」

同場的Jinny受訪時透露喉嚨還未痊愈，所以唱兩首歌已經聲沙，不過已經向公司申請了大假：「9月開始可以抖足兩個月，原本可以抖半年，但怕冇飯食！而且原來定咗今年出嘅專輯都要推遲到下年。」問到放假期間可需要接受治療，她表示暫時先決定停工休息，若情況沒有好轉便會考慮做手術。

Jinny媽為女兒打氣

談到早前被指喪親期間擔任葉翠翠姊妹，令翠翠當黑，Jinny坦言有跟翠翠聯絡：「其實嗰日我脫咗孝，翠翠話大家係現代人，我哋冇嘢。」而Jinny媽發生「炒單車」意外後，於大前晚首次出席公開活動，現身新城頒獎禮為女兒打氣。另外，許廷鏗透露因早前參與香港小姐的活動而推遲了工作進度，所以要積極為大碟錄音。