高海寧（高Ling）、金剛、陳智燊（Jason）和小儀等昨晚出席劇集《愛情食物鏈》煞科宴，前晚有份出席宋熙年生日飯局的高Ling透露，Jason的求婚過程花時間及心機，問到會否羨慕？高Ling說：「會（口架）！（向你求婚要花同跪？）要（口架）！（巨鑽戒？）咁就要睇佢買唔買得起，不過最重要係搵一個啱嘅人！」同場的金剛及小儀則爆料，小儀指拍劇期間Jason把熙年掛在口邊，故覺得對方「走唔甩」。金剛本打算要Jason請客搞煞科宴，不過被宋熙年阻止，他說：「佢話同Jason就嚟結婚，要對佢經濟封鎖！」

高Ling恭喜Jason成功求婚。

另外，黃心穎昨日出席活動時，提到與陳智燊及宋熙年為同一經理人故相熟，笑言前日見過熙年有感對方容光煥發，又指對方朋友多，未有需要做姊妹，問見好友即將成婚，可有令她有結婚的衝動？她說：「日日都有人結婚（口架）啦！不過都希望可以搵到一個好似Jason咁好嘅老公！」

另外，圈中人紛紛在微博送上祝福，龔嘉欣說：「恭喜阿哥阿嫂，完美的一對，超級帥氣好男人加超級賢淑好女人。」而一班好姊妹在宋熙年去澳洲前預祝她30歲生日，包括高海寧、張曦雯、陳爽及朱璇等。