雞頸肉串 $38

廚師專業分析：「每隻雞只有極少嘅雞頸肉，雞頸肉除咗珍貴外，肉質比一般雞肉更有彈性及擁有更豐富嘅脂肪香。近年大家食雞都特別關心健康同衞生，我哋採用嘅雞頸肉係來自有衞生保證嘅日本愛知縣，令大家食得開心又放心。」

巴馬火腿沙律 $158

廚師專業分析：「巴馬火腿以肉質柔軟見稱，而24個月嘅巴馬火腿唔會太鹹，製作沙律最合適，加入果酢做嘅果凍以平衡火腿鹹味，配合芝麻沙律醬，兩種唔同嘅酸味更能帶出沙律嘅甜味。」

黑豚蝦卷 $88兩串

廚師專業分析：「以美國黑毛豬腩片，包住被譽為蝦界松露嘅澳洲藍尾蝦，咬開口感彈牙嘅黑毛豬腩片，就等於拉開鮮味炸彈嘅保險裝置，藍尾蝦嘅鮮甜味就會喺口腔內爆發。」

鵝肝豆腐多士 $88

廚師專業分析：「呢個菜特別之處係用咗兩日時間製作嘅秘製醬汁，豆腐用天婦羅方法炮製令表面可將醬汁完全吸收，鵝肝來自匈牙利，入口即溶，但冇法國鵝肝嘅勁騷味，對香港人嚟講更易入口，鵝肝煎好後再用秘製醬汁煮，再加入之前煎鵝肝嘅油，味道就更加香。」

煙肉芝士卷 $45

廚師專業分析：「芝士係採用法國最有名嘅白黴芝士，係法國皇帝拿破崙三世食過後大讚，並親自命名嘅Camembert Cheese，質地柔軟帶有鹹味，同煙肉一同燒就最夾。」