陳庭欣被無綫欽點任奧運Angel，緋聞男友翟威廉受訪時說：「有留意，公司同事Group都瘋傳緊佢啲靚相。我有叫佢加油把握機會，佢打拳OK，跳舞就要加油。」對於「女友」揚言不介意做小三、姣精角色，覺得更有發揮，翟威廉笑說：「其實小三好重要，冇小三邊有問題發生，我都想做小三，有咩唔明搵我。（同佢練戲？）我哋太熟冇火花，要搵冇咁熟去練。（呷醋？）唔會，我哋係好朋友。（同佢打氣？）好似打氣團咁，喺背後支持佢。」

翟威廉（左）昨日與羅天宇一同出席活動。

另外，翟威廉昨日與劉佩玥及蔣家旻等出席明珠台活動，劉佩玥說：「將來希望湊個好字。（如果另一半唔想生？）用愛說服佢。（擇偶條件要鍾意小孩？）會好啲！（有人追？）有都唔考慮，女仔有人追好正常。」而蔣家旻在新劇中閃婚，但現實卻抗拒：「一定要相處一段時間，秘婚就可能會。」