無綫取得明年巴西奧運獨家播映權，高層余詠珊秘密打造索女組合「U20」成奧運Angel，擁有C Cup蜜桃胸的前港姐冠軍陳庭欣（Toby）被欽點上陣，為求突破，她揚言要演姣精博Noise，更狂操「馬甲線」打造完美Body。 文：影視組

擁有蜜桃胸的Toby大晒事業線仲未夠，要練埋馬甲線！

Toby在新劇中演單親媽媽，挑戰演技。

無綫擁巴西奧運獨家播映權之優勢，宣傳不容有失，適逢近期多位新紮「咪神」張秀文、陳婉衡及陳偉琪等，因演出《超強選擇1分鐘》而迷倒宅男，高層余詠珊乘勢於年底舉行招募，包攬中外「新鮮人」組成全新組合「U20」，到日韓受訓成睇得、Talk得、跳得的奧運Angel，余詠珊更稱演得之人會派去拍戲，以解決無綫的「花旦荒」。

狂操馬甲線

擁C Cup蜜桃胸的前港姐冠軍陳庭欣被欽點入「U20」，近日積極操弗，最近於《好報》水着專訪中勁晒C Cup蜜桃胸，並自爆目標是操出馬甲線：「當然希望可以做奧運Angel，首先我會惡補一下體育知識。」穩坐奧運Angel之位的Toby，演戲方面正求角色發圍，不介意演「姣精」尋求突破：「我入行五年喇！見到師妹陳凱琳、蔡思貝有咁多機會，《鬼同你OT》楊秀惠做姣角咁多回響，真係幾羨慕。其實我唔介意做姣精！（影響形象？）唔怕，有Noise仲好！」雖然想演姣精，但監製最新指派Toby演以內心戲為主的單親媽媽，看來要將外表贏晒的她打磨一番，鋪路上位，Toby說：「監製剛搵我接新角色演單親媽媽，係新嘗試！（奧運節目要準備？）我諗要先操弗副Body先！（C Cup蜜桃胸仲未夠？）我要定下目標操出馬甲線，以完美Body做奧運Angel！」

張秀文惡補知識

與Toby同屆港姐的張秀文對於被捧為奧運大使受寵若驚：「聽到公司用咁多資源做奧運，被選中當然開心，奧運大使喎，全台藝員都有興趣做啦！（自問咩條件佔優？）做過巴西世界盃有經驗，不過要睇多啲奧運資料，派我去採訪都可以紮實啲！」而最強咪神陳婉衡自認工作態度進取，如被選中會全力以赴：「好鍾意試唔同嘅嘢，之前做慣主持，喺《1分鐘》又學到現場騷技巧，相信有優勢。（身材都係優勢？）唔覺係咩特別，胸大未必係靚，反而想練結實身形，希望夏天完結之前可以練到馬甲線！」