周柏豪與拍拖多年的圈外女友Stephanie感情穩定，近年頻被拍到孖住「濕平」。向來感情低調的他昨日親口承認與女友同居，更大讚女友並非「港女」及物質主義者：「佢人好好！」

早前購下居屋的周柏豪，暫時未有談婚論嫁的打算。

C君（左起）、糖妹及周柏豪為廣播劇錄音，大感興奮！

Stephanie曾被拍得低調撐男友周柏豪的演唱會。

文、攝：音樂組

周柏豪、糖妹及組合農夫成員C君昨日為廣播劇錄音，糖妹聲演柏豪女友，要求對方有樓才肯嫁給他，而C君則是一名「二世祖」。柏豪被問到女友會否因沒有物業而不嫁給他，早已購下居屋的他說：「大家未去到談婚論嫁。（同居先？）有時同、有時唔同，得閒就同吓。（女友有冇嫌棄你冇私人樓？）佢人好好，大家好深默契。」

婚姻非以物質衡量

提到近日的網上熱話，有名男子豪花四十萬向女友求婚，他說：「有睇呀！不過我個人覺得四十萬可以幫到好多弱勢社群，每個人嘅價值觀唔同，有時未必係用物質同錢去衡量，如果第日個太太要我咁樣做，我諗我揀錯太太喇！」

糖妹努力搵錢置業

而同場的C君則笑言若花四十萬求婚，一定會誇大十倍：「冇人知佢婚宴用咗幾錢，可能佢唔擺酒，將啲錢用晒嚟求婚呢！如果係我有四十萬，我一定講大十倍。」

至於聲演「港女」的糖妹被問到另一半是否要有物業才肯嫁，她說：「唔係，所以依家都努力搵錢置業。」此外，對於粵劇名伶林家聲逝世，三人均表示可惜，希望其家人節哀順變。