無綫藝員陳庭欣、張秀文、鄧佩儀、陳凱琳、胡定欣及王浩信等，昨日到尖沙咀出席《2016奧運在無綫》記者會，陳庭欣及張秀文以森巴性感服飾大跳火辣森巴舞！問到與新「咪神」張秀文同台可有壓力？陳庭欣說：「冇壓力，我哋係同屆港姐，終於出咗個『咪神』！」張秀文則笑說：「佢都係『咪神』，依家好多『咪神』。」再問到可希望挑戰張秀文的「咪神」地位？陳庭欣笑說：「唔使，冇諗過挑戰。」張秀文亦說：「我哋係好姊妹，咪離間我哋嘅感情！」提到去年到巴西採訪世界盃時疑遭熱情球迷抽水，她說：「冇陰影，我敢再去（口架）！」

張秀文與陳庭欣「咪神」相會，互笠高帽！

陳庭欣

陳庭欣（左起）、鄧佩儀及張秀文「一起森巴舞」！

陳凱琳舉手撐奧運

至於陳凱琳被問到會否自薦到巴西主持奧運節目，她笑說：「要睇到時使唔使拍劇，當然想參與奧運盛事。（擔心畀人抽水？）外國人熱情啲啫！（嘉穎批准？）跟公司去應該OK。」而王浩信被拍得與太太陳自瑤恩愛拍拖，他形容感情是史無前例最好，又透露有意「造人」，更樂於被指是「老婆奴」，再粉碎與黃心穎早前的緋聞！

另外，無綫獲得巴西奧運獨家播映權，總經理鄭善強透露投資額高達兩億元，費用是歷屆奧運之冠。