樂壇天后容祖兒和李克勤的《容祖兒李克勤演唱會2015》自開賣後掀起一片撲飛潮，繼早前宣布加開三場的門票在短時間內售罄後，主辦單位再度加開一場，並於昨日公開發售，開賣十五分鐘所有門票已全部售罄，認真誇張！

祖兒和克勤演唱會的加場飛極速賣晒，開心得又跳又唱。

祖兒和克勤十二場騷爆滿，兩個大細路High爆慶祝。

祖兒和克勤受訪時大表開心，克勤表示收到歌迷留言指即使排頭位都買不到貴飛：「真係超唔好意思，我想完騷後研究吓，希望可以改進賣飛制度。」同時亦呼籲歌迷不要光顧「黃牛黨」，而祖兒則笑說：「啲飛好似我條腸，好似我身體個消化系統咁健康，一陣就咩都消化晒，冇晒！」