曾與林家聲合作逾十部電影的薛家燕，昨日得知死訊後深表難過：「佢係我哋粵劇界嘅表表者、係一粒巨星、係一個大老倌！」薛家燕亦很懷念二人昔日練北派的時光：「我細個成日喺佢屋企練北派，當時係袁小田師傅教，半邊月、擘一字馬嗰啲佢日日都練！」她亦希望林家聲家人節哀順變：「粵劇界痛失咗個良師，佢真係不枉此生，會永遠懷念我哋嘅聲哥！」

薛家燕

毛俊輝

而名伶南鳳說：「好多謝聲哥提攜我去做花旦，佢畀咗好多機會我。佢係個好內斂嘅人，但一開聲就好幽默。去年見面都覺佢身體攰咗好多，原本我都約咗佢見面，月底同佢去睇戲，但已經冇可能，遲咗一步。」

毛俊輝說：「兩星期前同佢外出食飯傾合作，佢應承咗幫助香港演藝學院12月新成立嘅一個戲曲學院擔任藝術指導，監演學生演出首本名劇《雷鳴金鼓戰笳聲》。我仲問佢怕唔怕辛苦，佢話唔怕，只要學生肯去做、去學。當時見佢精神好好，講到粵劇仲眉飛色舞，人生無常，要特別珍惜。依家未諗到有咩人可以代替佢，佢係香港粵劇界代表人物，貢獻好大。」