而李施嬅前晚出席劇集飯局時透露上周亦遇到電話騙案：「我收到一個短訊，話我犯刑事罪行，叫我留低資料，我不嬲唔理不明來歷嘅嘢，所以冇理到，但就知好多人中招！」至於麥包昨日在微博發文透露老婆收到行騙電話，更感嘆地說：「世界變成咁？」記者致電麥包求證，他表示妻子收到一名細路女聲的電話，該名「細路女」大嗌媽媽，並表示出了事：「但我哋個女明明放假喺房瞓覺，呢個時候就意識到係行騙電話啦！我唔係嬲，公開件事係希望大家警惕，近期有太多行騙事件，係道德同教育問題要改善！」

麥包老婆收到行騙電話，幸最終未有上當！