任賢齊遭「綁架」阿爸講價

文：影視組

電話騙案近期愈來愈猖獗，不少騙徒冒認內地官員、速遞公司及銀行，甚至以不同藉口套取市民個人資料及騙財，任賢齊、麥長青（麥包）及李施嬅均有不同的「受騙」經歷。小齊透露半年前父親曾接獲勒索電話，對方聲稱已綁架了他，一度令父親相當驚恐：「有人打嚟話綁架咗佢個仔，我阿爸好緊張問係咪小齊，對方梗係話係啦！跟住話要50萬元新台幣（約12.5萬港元）贖金，阿爸還價30萬，阿媽醒目決定打我手提電話，知道係假，阿爸仲話佢，怕驚動綁匪，我知道後好心痛，搞到老人家咁！」事後小齊對父親說，身為歌星只值50萬元相當冇面，應該叫價5千萬，又笑指為何父親仍要講價。他又坦言平日甚少親自接電話，以避過不少無妄之災，而他一名CEO朋友也曾被騙數萬元。