楊千嬅昨日亮相母乳餵哺宣傳活動，大談餵母乳經驗：「試過喺公司開會中途要餵奶，但公司冇地方，走入會議室又驚有閉路電視，結果去咗廁所，冇得坐之餘仲要凌空咁餵，非常唔方便！」

千嬅考慮追多個B，幫囝囝Torres添個玩伴！

有餵母乳經驗的她坦言有考慮「追多個」：「唔想同Torres年紀差太遠，佢今年都3歲，最好避免大過5年。」她又透露曾就此詢問兒子Torres的意見：「我有問佢要多個BB Boy好唔好，佢話No，但問佢要Sister就話OK。」她自言生仔或生女都沒所謂，又笑稱天生奶奶相，老公丁子高則較有一副外父相！