與林祖輝結婚8年並育有一對子女的姚嘉妮，入行以來甚少緋聞，想不到最近因與好姊妹陳煒齊齊跟菲律賓籍老師學跳舞，結果被繪影繪聲指她與對方撻着。

陳煒（前排左起）、姚嘉妮、陳凱琳及跳舞老師AL等齊齊影大合照。

林祖輝、姚嘉妮常帶一對子女到主題公園吃喝玩樂。

嘉妮接受電話訪問時笑說﹕「同老師成為咗朋友，學完舞會一齊去行街食飯，大家傾得埋啲，但絕對冇拖手，張相係借位，其實上次已經寫佢同陳煒，估唔到今次輪到我！」祖輝亦力撐老婆：「上次影到Cut走咗佢寫陳煒，今次反過嚟Cut走陳煒寫我老婆。呢啲新聞好無謂，一齊去食飯飲嘢好平常啫！」為慶祝囝囝3歲生日，嘉妮昨日舉家到主題公園慶祝，更不時將一家四口的甜蜜照放上互聯網分享，緋聞可信指數似乎很低。