太陽娛樂揸Fit人Paco（黃柏高）昨晚於酒店舉行生日派對，劉浩龍、 楊千嬅與丁子高夫婦、劉心悠、方力申（小方）、鄧麗欣、梁烈唯、許志安及自爆整親臀部的公司老闆周焯華等到賀。自「污糟手事件」後「潛水」近兩個月的劉浩龍，一到場即成為焦點，他首度開腔回應：「今次件事我有不停反省，我想同因為睇我個Post有Hard Feeling嘅人講對唔住，我自己以後會檢點，連累到Joey（女友容祖兒）我都覺得唔開心。」對於傳聞貴租貝沙灣，又獲Joey贈百萬名車，他說：「我搬咗屋幾個月，但冇七萬咁貴，同埋我架車都換咗一年，係二手車嚟，仲有我冇問朋友借錢，我唔想朋友間嘅事牽涉錢。」

許志安、黃柏高、劉浩龍

唯唯則帶同披頭四黑膠唱片到賀，其後小方和Stephy情侶檔現身並趁機宣傳新戲，小方自言未演過床戲，Stephy即打翻醋埕：「你冇拍過？我睇過你拍過啲好激烈嘅。」

此外，祖兒則上載與弟弟為媽咪慶祝生日的照片。