周秀娜（Chrissie）前晚拍攝電影《大樂師．為愛配樂》的追逐戲份時意外跌倒，雙膝跪地。雖然工作人員即時為她清潔傷口，但她仍然非常痛楚。完成拍攝後即睇中醫骨科，當醫師為其膝頭及左腳腕進行包紮時，她一度痛至「喊晒口」。

Chrissie坦言論盡令雙膝受傷。

接受治療時，Chrissie痛到「喊晒口」。

事後Chrissie解釋因過度投入拍攝而傷及韌帶舊患：「因為拍追逐戲比較緊張，自己又投入得滯！加上條路有少少斜，同埋對鞋嘅鞋底都跣，變咗自己想收嘅時候收唔切，落斜衝力太勁，隻腳扭一扭就整親。我兩個膝頭哥跪咗喺地下，傷到韌帶舊患。今次自己都係論盡同唔小心。」