岑麗香昨日宣傳新劇時透露尚未成為三粒星香港人，在港買樓要付重稅，因此置業要慎重考慮。同場的王浩信現正節衣縮食，望盡快儲夠錢買樓，給家人一個安樂窩。

香香考慮先在加拿大買樓，再放租應付香港租金。

王浩信和香香等人玩遊戲時十分投入。

文：影視組

岑麗香、王浩信、李施嬅、商天娥及陳庭欣等昨日宣傳新劇《樓奴》，吸引大批市民圍觀，晒美腿的香香不慎走光！

香香表示現正租樓住，考慮在港或加國置業，因她在加拿大長大，並非土生土長香港人，買樓要附加樓價的15%重稅：「或者喺加拿大買樓再放租，應付香港租金，我嚟咗香港四年，三年後先有三粒星，仲有三年時間計劃。（叫屋企人資助？）父母有提議過，但我想靠自己。（嫁有錢人？）咦！呢個都係一個方法喎！但唔係我嘅選擇。（學林夏薇閃婚？）冇呢個計劃，想一步一步嚟。」又稱跟角色一樣，驚覺香港樓價出奇地高：「同一價錢喺外國買到好多間房嘅屋，香港就得劏房。」

拉筋受傷

王浩信則表示尚未做到「樓奴」，正租樓住，希望三至五年後儲夠錢買樓：「有咗小朋友後想留番啲嘢畀佢，要節衣縮食！」首次擔正劇集的他透露近日緊張至失眠，太太陳自瑤及三歲女兒開始晚晚睇TVB，見到其預告片非常雀躍。提到過去因劇中被掌摑而上位，問到今次有何招數？他說：「集集都好多爛Gag，呢套劇好香港，除咗買樓呢個話題有共鳴，爛Gag同無厘頭都好屬於香港人。」見他行路一拐拐，他表示為備戰九月登台騷，練舞拉筋時不慎拉傷！

另外，商天娥去年十月已跟無綫完約，今次是最後一部無綫劇，她計劃年底跟廖啟智演舞台劇，明年開演唱會。問到日前缺席劇集活動，事後在微博問麥長青為何沒叫她，她說：「我冇不滿！前一晚已知有活動，但當日主題係演員扮示威，我演地產商喺度唔啱數，咁講只係講吓笑。」