欣宜仆倒雙膝跪地

鄭欣宜昨晨出動夜蒲，可惜零「仔」埋身冇着落。穿三吋高踭鞋、打扮密實的她，和數名女友人「企街」吹水。話晒站在馬路邊，又熱又大塵，吹水吹得興起的欣宜一手拎住風扇仔及飲品，雙管齊下散熱，期間又肉緊的攬住女友人，認真熱情！吹水有盡時，欣宜和一班朋友「散會」時，依然冇男士埋身。欣宜轉身離開時，可能因路面不平，突然直插式仆倒，雙膝跪地，嚇得同行友人當場O嘴！好彩欣宜本身「舞」功好，即時起身並上朋友的七人車離開。