上山詩鈉愛女Hilary及王宗堯亦與樂基兒同場夜蒲，Hilary表示下月底會回美國讀書，出席活動只當做暑假工，問到媽咪是否擔心？她說：「佢叫我杯飲品千祈咪離手，我會Keep住Message佢等佢知我喺邊。」入場後她與女友人同坐，甚少飲酒，認真乖女。

Hilary表示到夜場消遣時會不斷傳短訊給媽咪。

Hilary與女友人同坐，夠晒安全。（黑白圖片）

甚受歡迎的王宗堯跟粉絲合照，來者不拒。（黑白圖片）

王宗堯笑言要飲香檳Relax。

而王宗堯則表示期待艷遇出現：「以前都冇乜，《喜愛夜蒲》嗰時沈志明好受歡迎，我成日幫佢擋酒、擋相機，啲女都會藐我！一陣飲吓香檳Relax啲，同大家傾多幾句啦！」他在場內很受歡迎，男女通殺的他對邀拍合照者來者不拒。而昨日他出席沙灘派對時笑言冇女埋身：「去開淺水灣，好安全，得啲遊客叫我幫佢哋影相。」