藝人歐陽巧瑩（Tammy）除了擁有34C豐滿身材外，更有一身光滑的蜜糖膚色，她自爆最愛游水及曬太陽，以保持健康又性感的索爆身材：「我入行前游水游到黑過足球員，不過入行後想皮膚白少少，惟有減少至一星期游兩、三次水。試過最耐游咗四個鐘頭。（手腳浸到皺晒皮？）係呀，但我鍾意喺水底聽住mp3咁游，時間好快過！」Tammy更自爆日飲六公升水「排水腫」：「我如果瞓唔夠八個鐘就會水腫，會飲多啲水令自己去廁所，排出水分。」

熱愛游泳的Tammy擁有一身蜜糖膚色及完美身材。

Tammy一日至少飲六公升水排水腫。

Tammy常與男友林師傑拍住拖護膚。

談到美容心得，崇尚天然的她直言全靠作息定時才能擁有滑嫩美肌：「我連面膜都唔敷，唔會擺咁多化學嘢上面。其實只要作息定時同有規律，還原基本步就得！」Tammy又Sweet爆笑言會教男友林師傑護膚：「佢都有問過我點先冇暗瘡，我以前做過美容院兼職，識教佢買適合嘅控油產品，令佢依家可以素顏出街都咁靚仔！」