牙尖嘴利的路芙近年重燃對下廚的愛火，更不時親自炮製自創Fusion菜式宴請親朋好友。路芙相信好的菜式能治愈心靈並給予身邊人正能量，故她拜師學藝，準備在飲食界闖出名堂！

路芙閒時最愛親自下廚宴請親朋好友，從而發放正能量！

唔講唔知，原來路芙做過二廚！切起嘢上嚟果然有板有眼！

新城DJ路芙口才了得就不在話下，近年還重燃對入廚的興趣，嘴刁的她自然在下廚方面都甚有研究，路芙直言在街外用餐味精多，而菜式本身做法不難，故主張親自下廚：「嗰啲自己煮都得啦！我就鍾意煮創新嘅嘢！」

執枱變二廚

談到當初何以愛上入廚，路芙笑言年輕時家境不算富裕，卻很期望能夠出國體驗生活：「嗰時廿歲膽粗粗去做Backpacker（背包客），得機票同兩星期嘅旅費同食宿錢，所以去到當地就立即搵工，有餐館請執枱，自己又唔怕辛苦，就去咗做。」路芙憶述那時碰巧餐廳的二廚離職，當時只懂煲飯的路芙就誤打誤撞擔起了餐廳二廚的角色，但後期回港後沒有投身飲食界，便放低了廚師的工作。

直至近年認識到一班廚師朋友，路芙才的起心肝重投入廚的懷抱，更經常與廚師朋友舉行烹飪聚會：「出外食一個避風塘炒蟹，價錢都要幾百蚊，一啲都唔抵！但如果親自落廚根本唔使呢個價。」

享受與發洩

談到現今香港人大都懶得下廚，路芙說：「好多人唔鍾意入廚係因為唔鍾意切嘢同洗碗，覺得好煩，但我好Enjoy，又可以發洩！」回想去年有朋友遇上感情煩惱，路芙特別為對方炮製了特色意粉：「佢食完好開心，食物真係可以Heal（治愈）到人嘅心靈！」

問到喜歡煮甚麼菜式時，路芙即笑言：「我係『混醬』嚟！咩都煮！」又透露最近認識了一位曾在多間六星級酒店當行政總廚的泰籍廚師，並急不及待拜對方為師。問到會否有意開餐廳？她直言沒有生意頭腦，但有另類想法：「想做有關食材嘅生意，你返到屋企我教你煮，仲預備埋所有材料送到府上，但我哋再有啲Gimmick擺落去！」路芙大賣關子，大家即管拭目以待！