鍾舒祺男友早已「入屋」

歌手鍾舒祺（Sukie）早前被《好報》影到偕同Band仔男友Arot Lee平食雞煲和搭巴士，兩人更當眾高調拖手和攬腰，Sukie昨日透過電話回應：「我好公開嘅，唔係特登畀人知，但我都有生活。我哋識咗6、7年，拍咗拖10個月，我去完台灣發展返嚟我哋就一齊咗。」問到感情穩定的兩人如此慳家是否想儲錢結婚？她表示兩人均認為工作要緊，暫未想到結婚，但坦言早已帶男友見家長：「佢哋識咗好耐，媽咪成日都會煮埋佢飯，叫佢上嚟飲湯，之前爹哋生日佢都喺度。」她透露家姐鍾舒漫很支持他倆拍拖。問到工作忙碌可會減少見面？她則指兩人都有份參與節目《今晚睇李》，故可邊工作邊拍拖。