朱慧敏、顏子菲及麥家琪前晚出席電影《職業特工隊：叛逆帝國》慈善籌款首映，朱慧敏透露其母系家族有乳癌遺傳，故她每半年便會做一次身體檢查，更曾想過學安祖蓮娜祖莉切除乳房：「醫生話早得滯，可以40歲打後，生完BB哺完乳之後。」問到跟前EO2成員男友彭懷安（Eddie）分手後是否仍能保持情緒開朗？她說：「咩事都係啦！死係必經，冇得驚！」但直認已甚少與Eddie聯絡，因各有各忙。

朱慧敏（右）與顏子菲盛裝出席新片首映，大騷美腿。

帶同兒子到場的麥家琪，大呻湊小朋友辛苦。

另外，麥家琪帶同8歲兒子到場，育有三位子女的她坦言湊小朋友辛苦，間中會返內地出席商演，問到若復出會否效法羅霖出寫真？她說：「離婚先啦！我唔係一個人嘛！（影靚相？）可以。（怕仔女唔接受？）唔係，係冇需要。」