在內地劇《武則天》飾演皇帝的藝人李治廷，獲新濠天地《水舞間》邀請擔任《水舞間5周年慶典》嘉賓，化身「天之驕子」的他為慶典賜封為亞洲無可比擬之必賞驚世巨鑄，同時揭開前日首次挑戰個人創舉、潛入劇院水池探索世界級水底舞台之奧秘！ 採：馮雪怡澳門直擊　文：名人組

獲八位猛男「護駕」的李治廷霸氣登場！

成功完成個人創舉的李治廷風騷滿場飛。

李治廷大揮寶劍並擊出水柱，相當吸睛。

即席揮毫的李治廷台型十足，喜賀《水舞間5周年慶典》。

新濠天地《水舞間》輝煌邁向5周年，邀請早前在熱爆內地劇《武則天》飾演皇帝唐高宗的「天之驕子」李治廷（Aarif）任嘉賓，九五至尊駕臨喜迎盛典！他日前亦首次挑戰個人創舉，潛入9米深的劇院水池揭開《水舞間》水底世界的神秘之門，而在昨日的《水舞間5周年慶典》上，現場播出Aarif體驗夢幻水底舞台的片段，他由八位猛男護航出場，並坐上「龍座」十足皇帝般充滿氣勢，又大揮寶劍擊出水柱，並即場一揮「御」筆題字「水舞間」及蓋金印。

Aarif受訪時表示是首次體驗潛水，問到有否難度？他指平衡呼吸最困難：「分開咗兩Part，第一次未適應耳仔痛，第二次嘅經驗係開心。（上癮？）少少，想去馬爾代夫潛水睇海龜。」提到其《武》劇皇帝一角深入民心，他說：「係，幾開心，難得有角色受認同。（帶挈搵錢？）比以前係多咗，但事業目標唔係放喺賺幾多、獎項幾多，《武》令我行多一步！」

否認「HeHe Friend」

提到與內地演員馬天宇的斷背緋聞，Aarif表示純粹朋友，問到是否「HeHe Friend」？他反問記者是甚麼意思，當得悉後即笑說：「哦！Only Me，MeMe Friend。（同馬天宇事後傾番？）冇，費事人哋覺得『嘩同你做Friend咁（口架）？』我已經冇乜朋友。（唔開心？）預咗承受緋聞同虛構報道，冇資格唔開心，耐唔耐都有單。對朋友，我唔識得點去做負責任嘅朋友。」對於斷背緋聞令他在同志界受歡迎，他說：「Thank You，有人鍾意都開心。」卻強調喜歡女性，問到被拍得與長髮女出入寓所是否拍拖，他說：「我朋友，但依家唔係。（點解？）仲點敢同我做朋友？食個晏就咁。（有冇發展機會？）純Friend，『He She Friend』，用番你哋個Term。（成日約女仔上屋企食飯？）係，朋友就有男女性朋友。（借女仔過橋淡化與馬天宇嘅緋聞？）唔會，淨係想約我想見嘅朋友。」