憑《媽媽咪呀！》（Mamma Mia）一片走紅的荷里活女星雅曼達施菲（Amanda Seyfried），絕對是近年冒起得比較快的女星，雖然事業有成，但現年29歲的她最渴望生兒育女做媽咪！文：外娛組

記：聽說你想做母親？

雅：哈哈！是呀！我的卵子已快將死亡。你一到30歲，你或者只會有20%機會懷孕。你覺得瘋狂嗎？

記：你12月就生日喎，所剩時間唔多！

雅：我需要加倍努力，我好想要小朋友，真係好恨要！兩年來，我已一直渴望做母親，但係當時未準備。

記：據聞你已經開始搵定婦科專家？

雅：是呀！等同你有心臟問題去見醫生，或者你有眼問題就去睇眼科，你需要照顧自己。

記：其實你早已為人媽媽？

雅：吓？你指我隻狗女Finn？係呀！我好錫佢，而佢亦似係個好媽媽，可以幫手湊BB！

呻片酬低過男演員

記：講番你部新作《玩轉4字頭》（While We're Young），你是獲邀接拍還是經面試？

雅：不是，我是經面試。導演Noah Baumbach亦在洛杉磯住，而他住在我家附近。我經過選角和導演面試，之後再去見Noah。我初頭以為自己唔得，但最後都僥倖獲選。

記：你在片中有養貓，每次拍完之後成身貓味，你隻狗女Finn有咩感覺？

雅：佢唔介意呀，佢唔

係貓迷，而佢認識嘅貓都唔Like佢！

記：你在片中和威尼斯影帝Adam Driver合作，感覺如何？佢拍戲前在劇集《紐約叻女》（Girls）中好搶鏡！

雅：其實我冇真正睇《紐》，我只睇過其中一集四次，因為嗰集成日播。拍完《玩》之後，覺得Adam係一個好有趣嘅男仔。其實佢係一個好內向嘅男仔，同埋有啲怕醜，亦唔會講好多嘢！但一出聲就好好笑，令人有啲難以觸摸，我鍾意！

記：不經不覺你已入行差不多20年，感覺如何？

雅：時間眨眼就過，但一直冇變嘅就係影圈始終對女演員不公平！幾年前，我主演嘅其中一部高成本電影，當時我發現自己片酬竟然係男拍檔片酬嘅10%，我諗有人會講係男演員比我哋做得多，多勞多得啫！但其實全因為性別問題，你話公唔公平？