陸詩韻唔見3萬蚊

前港姐陸詩韻早年淡出娛樂圈，幫父親打理製衣廠及轉做生意，去年回復單身的她，簽約經理人再闖娛樂圈，但對做生意甚有野心。前晚她錄影網絡節目時透露，與三位友人合資七位數字，經營網上護膚品生意：「因為太貴（舖）租。（反應如何？）開始咗個多月，好多朋友支持同傾吓有咩合作，我本身鍾意試新產品，會去日本、韓國同法國試。（做埋代理？）代理同代言都有。」而同場的抗癌勇士鄺佐輝則透露目前已停止化療，輔以中藥及氣功調理身體。

被越洋盜用買機票

結束錄影後，當晚詩韻發現信用卡被盜用買機票，足足損失逾五千加拿大元（約三萬一千港元）！她在微博留言：「昨（前）晚一直錄影節目，完成後看訊息，銀行通知話我張信用卡剛授權CAD 5,231.97元！立即致電銀行查問，查到是某人用我張卡向航空公司購買機票！」

望銀行查出「真兇」

詩韻事後接受電話訪問時直言「嚇餐死」，想不到會遭人越洋盜用信用卡，她表示尚未報警，因銀行調查需時：「相信到時銀行Check唔到，應該會幫我報警！（因為網上購物導致資料外洩？）我係有網購，但要拎到信用卡嘅資料都好容易，平時買嘢碌卡，啲店員都會拎開去碌，要抄低個信用卡號碼都唔難，我都唔知畀邊個盜用咗，希望銀行方面查到。」

詩韻近年黑開有條路，前年她的未婚夫吳銘偉生意失敗，更被告上法庭，最後要償還340萬債，由於詩韻是擔保人，因而被入稟追討欠款！