經歷婚姻失敗的黎瑞恩早前發現胰臟有腫瘤，不過她一於少理，繼續快活人生。網絡昨日流傳一輯小恩子與緋聞男友鄭應南及友人打高爾夫球的相片，兩人更形影不離。文：音樂組

去年經歷失婚打擊的小恩子，月前更發現胰臟有腫瘤，醫生直言因手術太複雜，建議她保持心情開朗及定期覆診。小恩子果然聽從醫生建議，昨日在網上發現她與區瑞強（Albert）、林敏驄和陳展鵬等打高爾夫球和飯敍的相片，同行更見其緋聞男友，有「免稅店大王」之稱的富商鄭應南，相中所見兩人形影不離，而小恩子似未受病情影響，拍照時開心到伸脷。

區瑞強讚Nice

記者致電區瑞強，他表示當日是藝人高爾夫球會的活動，身為副會長的他說：「今次活動係歡送呢個球場，呢個會只准藝人加入。」問到為何鄭應南亦有出現，他說：「鄭先生係球場老闆之一暨我哋個會嘅贊助人，係Very Nice Guy。」問到小恩子與鄭生的關係？他顯得相當忌諱：「大家都係波友，佢兩個私人嘢我唔知，幾熟都唔講，怕講錯嘢。」

「大家係波友」

至於小恩子受訪時則否認去打高爾夫球：「只係去個場食飯。（同鄭應南一齊食？）佢係榮譽會長，大家又係波友，我哋個會搞Party，佢梗係嚟啦。」問到跟對方是否發展中？她說：「又講呢啲嘢，再咁寫我冇晒Market！」