顏子菲昨日穿黑色透視裝出席電影首映，談到荷里活影星湯告魯斯（Tom Cruise）親身上陣拍攝危險的動作場面，她自言「膽生毛、唔知驚」，期望有機會參演驚天動魄的場面，亦希望可克服心理障礙玩笨豬跳及跳傘等運動。

顏子菲以透視裝出席電影首映，畀足面！

對於亞視誤報王維基買亞視而遭通訊局重罰30萬元，她說：「身為媒體又叫大嘅電視台，加上新聞係重要環節，好似藝人咁講說話要負責任，亞視新聞都係忠於事實報道、緊貼時事，希望咪再犯呢啲錯。」

至於同場的周家怡恨拍飛車戲，並透露稍後或到內地參加慈善賽車，又指拍檔王宗堯開車快到不見影，問到會否怕如苟芸慧般炒車？她說：「應該冇嘢，好安全。（試過開最快幾多？）落場最快開180公里，係初戀男友教我飛車！」