成功減肥的蝦頭近日穿貼身小背心襯藍色半截裙打保齡球，大騷弗爆身材及V煞面，網民即讚她似伍詠薇，更有網友留言指她由圓碌碌的「蝦頭」變瘦長「蝦條」。

瘦身後的蝦頭被讚變「蝦條」。

對於Ashina自爆在學員中演技最差，曾教對方演戲的蝦頭接受電話訪問時說：「佢自己覺得啫！可能因為當日導演要佢單獨跟我學一日戲，所以令佢錯覺自己演技好差。其實嗰場戲好重要，而且時間又緊迫，導演先安排佢跟我上速成班。（佢表現點？）佢係個好聰明嘅女仔，上完嗰日堂，佢一點就明，做得好好。」

問到可知Ashina自覺表現差而情緒低落險患抑鬱症？蝦頭驚訝地說：「我唔知喎！我唔覺得佢嗰排特別唔開心。演員喺好大壓力下，或者抽離唔到角色，都會好容易有情緒問題。」