對於Ashina被指演技差，曾與她兩次合作拍戲的王宗堯認為她仍是新人，表現緊張屬正常，為伊人打氣之餘，更大讚她有潛質：「我同導演傾過偈都覺得佢好有潛質，只係仲需要磨練，要專心啲同投入啲。同埋佢作為新人一定會緊張，先會影響到表現。」

王宗堯讚拍檔Ashina有潛質，更力撐新人表現緊張很正常。

問到有否覺得Ashina演技有進步？王宗堯表示難以評論，因大家合作時間較短，但盛讚Ashina是醒目女。有指Ashina全裸拍戲致抑鬱，他直言不清楚：「嘩！乜個個都抑鬱？唔知喎！應該OK喎！」並稱甚少與女方在片場交流：「唔覺佢特別唔開心，佢本身個性都鍾意講嘢，係個開朗少女。不過我喺片場冇特別同佢交流，因為我知佢要投入角色，唔想騷擾佢。」