Ashina被彈戲渣鬱到爆
早前為新片全裸上陣的郭奕芯（Ashina），原來差點患上抑鬱！在戲中既要全裸又要爆喊的她，自爆演出時有壓力，加上拍攝初期要經常爆喊及表現太差，令她無法抽離角色，幸好得到蝦頭「點醒」，表現才突飛猛進，順利完成拍攝！
拍攝初期Ashina表現差強人意，幸得蝦頭悉心教導才令她進步神速。
Ashina自爆全裸拍電影演援交妹，加上日喊夜喊，令她差點患上抑鬱！
在《壹獄壹世界》中，Ashina床戰王宗堯，反應甚佳。
Ashina坦言靠做運動及與朋友傾心事，才成功走出抑鬱陰霾。
泳衣：Roxy 場地：Sand House HK
早年Ashina推出寫真加入娛圈，作為影壇新貴的她今年在電影《壹獄壹世界》中，與男神王宗堯床戰試水溫，反應甚佳。近日她為新片全裸上陣演援交妹，又再埋身肉搏王宗堯，可謂搏到盡！拍攝期間，劇組人員安排Ashina及其他學員跟蝦頭（楊詩敏）學戲，怎料Ashina表現最差，完全趕不上進度，及後又因全裸帶來的壓力及要不斷拍爆喊戲份，險患上抑鬱！
走出抑鬱陰霾的Ashina，日前接受本報訪問，展現青春活力，全程笑不停的她憶起拍戲點滴，要全裸又要拍喊戲，未正式拍攝前，負能量已一直圍繞她。皆因劇組安排她與眾演員跟蝦頭學戲，對自己要求甚高的Ashina，豈料弄巧成拙，是表現最差的一個，她說：「當時唔知點解走唔出個框框，表現勁差，連蝦頭都忍唔住問我：『點呀？』我之後即刻又喊過，因為我知道自己唔可以係咁，蝦頭真係好畀心機同時間幫我惡補，令我進步唔少。」
角色懦弱Handle唔到
演技躍進的Ashina以為拍戲時會得心應手，但因戲中要全裸及喪喊，令她自覺似「悲情女主角」一樣：「啱啱收到劇本，個角色好懦弱、好文靜，同真實嘅我好唔同，幾乎每隔一日就要喊一次，壓力大到爆炸！我作為新人唔識點去運用自己情緒，唔識啲眼淚好似水喉咁開關，有時得30秒至2分鐘左右畀我培養情緒，壓力真係爆煲！」講到全裸，Ashina坦言心情大上大落：「其實全裸唔多唔少都有壓力，但我自己因為已經喊得好勁，所以其實都好擔心！加上另外兩位女主角心情同我一樣，好在我哋都有拎出嚟傾，互相扶持。」
冇睇醫生運動減壓
日喊夜喊的Ashina，坦言有一段時間無法抽離，更差點患上抑鬱：「成套劇都係爆喊，好辛苦，拍戲唔止喊一次，一場戲我要喊7、8次，有時收工返屋企，情緒都係Keep住低落，壓力真係好大，拍完全裸又要拍喊戲，真係喊到個人有少少抑鬱，有幾次拍完喊戲，導演叫停我都仲係喊緊。」
及後Ashina嘗試多做運動及與朋友傾心事，才能走出抑鬱陰霾：「自己冇去睇醫生，因為覺得自己唔應該咁樣，如果部部戲都係咁，我就唔得掂，所以我嗰陣多做運動同搵朋友傾多啲，結果拍完之後就冇嘢。」
