萬綺雯（蚊蚊）昨日與姨甥仔出席月餅義賣活動，與無綫合約已於五月底完結的她表示，雙方有共識先讓她休息，如有合適劇本，不排除再合作，問到拍劇是否太辛苦？她說：「係幾吃力，冇得瞓，之前拍《東坡家事》30集，返內地拍好凍，所以完咗要休息。（之後接劇會唔會要求每日開工8小時？）要限死開幾個鐘有難度，都了解運作，要取捨，不過等我放埋個暑假先。（之後一年一部？）要睇身體狀況。」

萬綺雯與姨甥仔出席月餅義賣活動。

除身體疲勞外，蚊蚊的6隻愛貓亦相繼逝世，她眼濕濕說：「15個月走咗6隻，每拍一套走一隻，心理未調整到，暫時唔會再養住，因為幾傷同好痛。」